ILP – LHE
Iniciativa Legislativa Popular / Legegintzako Herri Ekimena
Enplegua mantentzeko azpikontrata aldatzen denean
LAN-HITZARMENAK bete daitezen behartzeko
Enpresen ez betetzeak zigortzeko
ESKUBIDE LABORAL ETA SOZIALEN ALDE ADMINISTRAZIO PUBLIKOETAKO AZPIKONTRATETAN.
ELAk Legegintzako Herri Ekimen bat abiarazi du. Behin izapidetzera onartu ondoren, Euskal Erkidego Autonomoan 30.000 sinadura bildu beharko dira ekimena aurrera ateratzeko. Ekimenaren helburua sektore publikoko azpikontratetako enpleguari eustea,eta gutxieneko baldintza batzuk bermatzea da.
Eta zer da “LEGEGINTZAKO HERRI EKIMEN” delako hori ?
Herritarrek legegintzan parte hartzeko duten modu bakarra da. Horren bidez eramaten dira eztabaidatzera legegintzarrera indar politikoek aintzat hartu ez dituzten gaiak edo LHEaren bultzatzaileen ardurakoak direnak.
Ikuspuntu demokratiko baterik, LHEek herritarren parte hartzea sustatzen dute esparru publikoan, demokrazia parte hartzailearen adierazgarriak dira.
Zergatik proposatu da LHE hori ?
Ondoz ondo murrizketen eta erreformen ondorioz lan-baldintzak prekarizatu dira orokorrean, eta bereziki administrazio publikoetako azpikontratetan lan egiten dutenenak. Administrazio publikoetako baldintza-orrietan ez da gutxieneko bermerik jasotzen, eta horrek zapalkuntza areagotzen du hainbat sektoretan. Hona hemen eraginik nabarienak:
Enpresa zerbitzu emaileaz aldatzeak lanpostu galtzea Dakar.
Lanaldiak berez laburrak badira,are gehiago murrizten dira lan-denborak (herri-administrazioan egiten diren murrizketak direla-eta)
Hitzarmen kolektiboa bete gabe uzten da, enkanteetan lizitazio-prezioak jaistearen ondorioz
Soldata-eskala bikoitzak, kontratazio berriei baldintza txarragoak ezartzen zaizkielako
Herri-administrazioek sektore publikoko jarduerak azpikontratatzen dituzte denon diruaz, diru publikoaz. Herri-administrazioek, beraz, gutxieneko duintasunezko baldintzak eta eskubideak bermatu behar dizkiete esparru horretan lan egiten dutenei. Horrela ere, herritarrei eskaini beharreko zerbitzu publikoen kalitatea indartzea da..
Horregatik, administrazioek, gutxieneko maila horiek betearaztearren, izan dezaketen modurik onena legez arautzea da; eta hala egitea proposatu du ELAk
Zergatik ez sektore pribatu azpikontratetan ?
Sektore pribatuan ere ikaragarrizko prekarietatea ematen da azpikontratetan. Baina Eusko Legebiltzarrari zuzendutako LHE batek soilik Euskal Autonomia Erkidegoko administrazioek aitortuta dituzten eskumenetan eragin lezake. Eta sektore pribatuari eragiten dion lan legediak Espainiako parlamentuak arautzen duen Langileen Estatutura igortzen du.
Zer gai proposatzen du ELAk LHE horretarako ?
Zerbitzuak azpikontratatzea erabakitzen duten administrazio publikoak behartzea gutxieneko maila laboral eta sozial errespetatzera. Kontratetan lana egiten dutenean soldata eta lan baldintzak bi bidetatik eragin daiteke: Lan hitzarmena eta baldintza orrietatik.
Ondorioz, horrek Dakar hitzarmen kolektiboetan ezarritakoa errespetatzea batetik, eta baldintza-orriak gutxieneko eskubide sozialak bermatzea klausuletan,bestetik.
Nolako klausula sozialak eskatzen ditugu ?
1.- Langile azpikontratatuei lanaren iraupena ziurtatzea (Subrogazioa), emakida beste enpresa bati esleituz gero. Horrela ez da enplegurik suntsituko.
2.- Gutxieneko lsan-eta-soldata- baldintzak bermatzea. Zeintzuk ? Indarrean dagoen sektore-hitzarmenarenak edo, hitzarmena berritu ez den kasuetan, indarrean egon den azken hitzarmenarenak.
3.- Zehapenak, aipaturiko baldintzak eta lan-legeetan jasotako eskubideak betetzen ez dituzten enpresentzat.
Nork erabakiko du proposamena onartzen den edo ez ?
Erabakia Eusko Legebiltzarraren esku dago, hau da, bertan ordezkaritza duten legebiltzarreko taldeen esku.
Aparteko aukera da, beraz, legebiltzarrarentzat eta bertan dauden alderdientzat, beren ardura eta kezka erakusteko, azpikontratetako langileen arazo nagusiekiko, alderdi horiek berek utzi baitzituzten zerbitzu horiek esku pribatuetan.
Bada garaia hitzaldiez haraindi joateko, eta erreformatatik eta hitzarmen kolektiboen galeratik datozen ondorio txarrei aurre egiteko. Eta LHE honek zuzenean eragiten die alderdi politikoei. Orain dute aukera hainbeste maiseatu zituzten ondorio txarrak azpikontratetatik kanpo uzteko. Orain dute aukera langileen zapalkuntza geldiarazteko.
Horregatik eskatzen dizugu ekimen honi atxikitzeko eta eskaera sinatzeko .
JUSTIZIA SOZIALEKOA ETA ESKUBIDEA DENEZ, EMAIOZU LHE HONI ZURE SOSTENGUA ESKAERA SINATUZ.
No hay comentarios:
Publicar un comentario